Presidenti i SHBA-ve, Donald Trump, ka përshëndetur mposhtjen e militantëve të ISIS-it në Raqqa.
Betejën në Raqqa, Trump e ka quajtur “përparim kritik” në luftën mbarëbotërore kundër terrorizmit, transmeton portali arbresh.info
Të premten, forcat demokratike siriane të dominuara nga kurdët, kanë njoftuar zyrtarisht për çlirimin e Raqqas.
“Së bashku, forcat tonë kanë çliruar të gjithë qytetin që mbahej nën kontrollë nga ISIS”, tha Trump në një deklaratë.
“Disfata e ISIS-it në Raqqa përfaqëson një përparim kritik në fushatën tonë botërore për të mposhtur militantët e Shtetit Islamik dhe ideologjinë e tyre. Me çlirimin e kryeqytetit të Shtetit Islamik dhe me çlirimin e shumicës dërrmuese të territorit të saj, kalifatit i ka ardhur fundit”, thuhet më tej në deklatarë.
Trump tha se fushata e Shteteve të Bashkuara kundër Shtetit Islamik, e nisur nga paraardhësi i tij Barack Obama së shpejti do të hyjë në fazë të re, në të cilën Shtetet e Bashkuara do të “mbështesin forcat lokale të sigurisë, në mënyrë që të avancohet paqja”./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite